Albena Reshitaj, deputete nga AAK ka thënë se do t’ia japin votën Projektligjit për Rimëkëmbje Ekonomike.

Këtë deklaratë ajo e bëri në një konferencë për media në oborrin e Kuvendit, raporton portali arbresh.info

“AAK sot është në Kuvend për t’ia dhënë votën Projektligjit për Rimëkëmbje Ekonomike. E kuptojmë situatën që po kalon Kosova por duhet të kalojmë këtë ligj”, deklaroi Reshitaj.

Tutje ajo thotë se partia e saj nuk është për mbyllje totale të shtetit, megjithë rritjes së fundit të infektimeve të reja me koronavirus.

“Ne si pjesë e politikës duhet të analizojmë gjerat para se të shkojmë me një mbyllje totale. E ftojmë Qeverinë që të analizojë gjendjen para se të shkojmë me një mbyllje totale”, u shpreh ajo.

Ndërkohë kryeministri Avdullah Hoti pritet të mbajë konferencë për media me fillim nga ora 12:00 pikërisht për të njoftuar lidhur me masat e reja anti-Covid./arbresh.info/